הבט משמים וראה ♫

הַבֵּט מִשָּׁמַיִם וּרְאֵה
קוק אראפ פון הימל און זע
כִּי הָיִינוּ לְלַעַג וָקֶלֶס
לַעַג וָקֶלֶס בַּגּוֹיִים.
מיר זיינען אין געלעכטער ביי זיי
נֶחְשַׁבְנוּ כְּצֹאן לַטֶּבַח
אוי באשעפער ווי קאנסטו צוקוקן אזא זאך
מיר האבען דאך קיינעם, נאר דיך איינעם
און דיין נאעמען איז אֲדוֹשֵׁם אֶחָד.

דעריבער בעיטען מיר ביי דיר אלע מאל
ענטפער אונדז שוין, שׁוֹמֵר יִשְׂרָאֵל.
און פארנעם שוין אונזערע טרערען.
וייל קיינער וויל אונדז, ניט אויסהערען
ווען מיר שרייען "שְׁמַע יִשְׂרָאֵל!"
אוי פארגעס אונדז ניט שׁוֹמֵר גּוֹי אֶחָד
באוויז אלע פעלקער אז דו ביסט אונזער גאט
מיר האבען דאך קיינעם נאר דיר איינעם,
און דיין נאמען איז אֲדוֹשֵׁם אֶחָד.

זָרִים אוֹמְרִים: אֵין תּוֹחֶלֶת וְתִקְוָה
פעלקער זאגען, אז פאר אונדז יידען
איז קיין האפנונג ניטא.
מען מעג אונדז טרייבען
מען מעג אונדז יאגען
מיר האבען זיך פאר קיינעם
צו פארקלאגען:
אבער מיר ווייסען אז אין הימל ביסטו דא.

דו האסט דאך אונדז צוגעזאגט
אז מיר וועלען זיך מערען
אזוי ווי אין הימל די שטערען
היינט קוק אראפף
וואס פון אונדז איז געבליבען דא.
עס איז דאך איין פסוק פארהאן
"הִנֵּה לֹא יָנוּם וְלֹא יִישַׁן"
דו מוזט דאך היטען דיינע קינדער
מיט מופתים און מיט וונדער
וייל מיר גלויבען אז אין הימעל ביסטו דא.

דעריבער בעיטען מיר ביי דיר...