עם "חד תרי תלת" ♫

עס האָט אונדז דאָס לעבן געפֿונען,
דאָס לעבן פֿון זוניקע טעג,
האָט יעדער אין לאַנד אַזױ מונטער געשפּאַנט
און באַזונדער געגאַנגען אין װעג.
צו איינס, צװיי דרײַ, -
אױף אַרבעט אין װעג זיך געלאָזט
יעדער טראָט האָט זײַן קלאַנג,
יעדער װעג זײַן געזאַנג,
װען דו גײַסט, און דו װײַסט און פֿאַרװאָס?

איצט איז פֿאַר אונדז פֿאַרװערט טראָטואַרן,
כאָטש אַנדערע גייען דאָרט פֿרײַ,
און מיר, טוט אַ קוק
אױפֿן שטיינערנעם ברוק,
אונטער אײַזערנע קלעפּ פֿון נאַגײַ.
צו אײַנס, צװײַ דרײַ,
צו אײַנס, צװײַ דרײַ,
דעם ברוק האָט מען אונדז נאָר געלאָזט
האָט דער טראָט אַזאַ קלאַנג
גאָר אַן אַנדער געזאַנג,
װען דו גײַסט און דו װײַסט נישט פֿאַרװאָס?

עס האָבן אַלטע און יונגע
דאָס לעבן געבױט און געהאָפֿט,
ביז עס האָט אַזאַ שװערד
אַלץ פֿאַרװיסט פֿון דער ערד
און געפֿירט האָט מען אונדז װי אַ שאָף.
צו איינס, צװיי דרײַ,
צו אײַנס, צװײַ דרײַ,
אַזױ װי די שאָף זיך געלאָזט,
װוּ דײַן פֿרױ, און דײַן קינד
און דאָס גאַנצע געזינד,
האָבן געפֿרעגט װוּהין און פֿאַרװאָס?

צו איינס צװיי דריי

נאָר ברודער אַן אַנדערער גייטס
װעט באַלד צו דײַן אױער דערגײַן,
און די װאָס פֿאַר שרעק
געװען ערשט פֿאַרשטעקט
שפּאַנען מיט אונדז
נישט אַליין.
צו איינס, צװיי דרײַ,
צו אײַנס, צװײַ דרײַ,
די געסלעך, דעם טױער [או: די מויער] פֿאַרלאָזט!
ס'האָט דער טראָט אַזאַ קלאַנג
גאָר אַן אַנדער געזאַנג
װען דו גייסט, און דו װייסט שױן פֿאַרװאָס.

פארטיזאנער מארש /שמריהו קצ'רגינסקי

דער וועג איז שווער מיר וויסן
דער קאמף ניט לייכט קיין שפיל
א פארטיזאן זיין לעבן לייגט איז שלאכט
פארן גרויסן פרייהייסט ציל

העי עס פע א
מיר זיינען דא
מוסיק און דרייסטע צום שלאכט
פארטיזאנער נאך היינט
גייען שלאגן דעם פיינט
אינעם קאמף פאר אן ארבעטער מאכט

עס זיינען פעסט די גלידער
געמוסקלט אין שטאל און אין בליי
מיר גייען בלויז אויף היינט פונעם געמא ארויס
כדי מארגן אייך צו ברענגען די פריי

העי עס...

ביים בלום פון שוועסטער ברידער
מיר שווערן צו קעמען ביז וואן
מיט היטלערס יעדער גליד באפוצט וועס זיין
די וואפן פון פארטיזען

העי עס...