בסוכה ♫

כותרת: הַסֻּכָּה

סֻכָּה קְטַנָּה, סֻכָּה נָאָה
בִּדְאָגָה עָשִׂיתִי לַחַג
מִבְּקִיעִים, נְסָרִים
מִקָּנִים וּנְצָרִים
כְּתָלִים חִבַּרְתִּי עַל גַג.

בְּחַג הַסֻּכּוֹת
נוֹשְׁבִים הָרוּחוֹת
מִסְּדָקִים, מֵחוֹרֵי הַסְּכָךְ
אֲבָל מִכָּל רוּחַ
נֵר חַג לֹא יָשֹׁחַ
יָאִיר בְּאוֹרוֹ הַזַּךְ.

כותרת: אין סוכּה

אַ סוכּה אַ קליינע
פֿון ברעטער געמיינע
האָב איך קוים מיט צרות געמאַכט!

געדעקט דעם דאַך
מיט אַ ביסעלע סכך
און איך זיץ אין איר סוכּות בײַ נאַכט.

פֿון װינט דעם קאַלטן,
װאָס בלאָזט דורך די שפּאַלטן,
מײַן ליכטעלע לעשן זיך װיל; –

דאָ מאַך איך מיר קידוש
און זעט נאָר אַ חידוש:
מײַן ליכטל ברענט רויִק און שטיל!

מיט פֿאַרזאָרגטן געזיכט
דאָס ערשטע געריכט
טראָגט מיר מײַן װײַב באַלד אַרײַן;

זי שטעלט זיך אַװעק
און זאָגט, װי מיט שרעק:
– דער װינט װאַרפֿט די סוכּה באַלד אײַן!

– עט , זײַ ניט קיין נאַר
און האָב ניט קיין צער,
עס זאָל דיר דער װינט ניט טאָן באַנג:

ניט זעלטן זיי קומען
די װינטן און ברומען;
דאָך שטייט אונדזער סוכּה שוין לאַנג!…