בין הרבי והגבאי ♫

[לפי גינזבורג ומארק, 1901, בכתיב המקורי]

— גַבְּאַי, װָאס װִיל דֶער רֶבִּי?
— אַז דִי רֶבִּיצִין זָאל גֶעבֶּען!
— װָאס זָאל זִי גֶעבֶּען?
— מַשְׁקֶה!
— אוֹיף װָאס אִיז דִי מַשְׁקֶה?
— אַז דִי קִינְדֶערְלֶעךְ זָאלֶען לֶערְנֶען תּוֹרָה אָהְן לַאסְקֶע!
עֹנֶג לְשַׁבָּת בִּים-בַּאם-בַּאם,
תַּעֲנוּג לְיוֹם טוֹב חַא-חַא-חַא!
— גַבְּאַי, װָאס װִיל דֶער רֶבִּי א. ז. װ.
— לֶעקַאךְ!
— אוֹיף װָאס אִיז דִי לֶעקַאךְ?
— דִי קִינְדֶער זָאלֶען לֶערְנֶען תּוֹרָה אָהְן מֶקַח!
עֹנֶג לְשַׁבָּת בִּים-בַּאם-בַּאם א. ז. װ.
— גַבַּאי, װָאס װִיל דֶער רֶבִּי א. ז. װ.
— צִימֶעס!
— אוֹיף װָאס אִיז דִי צִימֶעס?
— דִי קִינְדֶער זָאלֶען לֶערְנֶען תּוֹרָה בִּנְעִימוּת!
עֹנֶג לְשַׁבָּת בִּים-בַּאם-בַּאם א. ז. װ.
— גַבַּאי, װָאס װִיל דֶער רֶבִּי א. ז. װ.
— פְלֵיישׁ!
— אוֹיף װָאס אִיז דִי פְלֵיישׁ?
— דִי קִינְדֶער זָאלֶען לֶערְנֶען תּוֹרָה מִיט שְׁװֵייס!
עֹנֶג לְשַׁבָּת בִּים-בַּאם-בַּאם א. ז. װ.
— גַבַּאי, װָאס װִיל דֶער רֶבִּי א. ז. װ.
— לָאקְשֶׁען!
— אוֹיף װָאס אִיז דִי לָאקְשֶׁען?
— דִי קִינְדֶער זָאלֶען לֶערְנֶען תּוֹרָה, װִי אָקְסֶען!
עֹנֶג לְשַׁבָּת בִּים-בַּאם-בַּאם א. ז. װ.
— גַבַּאי, װָאס װִיל דֶער רֶבִּי א. ז. װ.
— קָאמְפָּאט!
— אוֹיף װָאס אִיז דִי קָאמְפָּאט?
דִי קִינְדֶער זָאלֶען לֶערְנֶען תּוֹרָה אָהְן קְלָאפָּאט!
עֹנֶג לְשַׁבָּת בִּים-בַּאם בַּאם א. ז. װ.

[לפי קיפניס]
וואָס וויל דער רבי?

1
– גבאי!
וואָס וויל דער רבי?
– דער רבי וויל.
– וואָס?
– אַז די רביצין זאָל מוחל זײַן געבן.
– ווער ווייסט וואָס?
– אַ שטיקעלע פֿיש.
– פֿאַר וועמענס וועגן?
– פֿאַר די חסידימלעך, וואָס זיצן אַרום טיש.
עונג לשבת, בים בים בים באַם,
תּענוג ליום־טובֿ, טראַ לאַ לאַ לאַ לאַ לאַ.

2
– גבאי!
וואָס וויל דער רבי? אאַז"וו.
– אַ שטיקעלע פֿלייש.
– פֿאַר וועמענס וועגן?
– פֿאַר די חסידימלעך, וואָס לערנען תּורה מיט שווייס.
עונג לשבת אאַז"וו.

3
– גבאי!
וואָס וויל דער רבי? אאַז"וו.
– אַ ביסעלע לאָקשן.
– פֿאַר וועמענס וועגן?
– פֿאַר די חסידימלעך, וואָס לערנען תּורה ווי אָקסן.
עונג לשבת אאַז"וו.

4
גבאי!
וואָס וויל דער רבי? אאַז"וו,
– אַ ביסעלע צימעס.
– פֿאַר וועמענס וועגן?
– פֿאַר די חסידימלעך, וואָס לערנען תּורה בנעימות.
עונג לשבת אאַז"וו.

[לפי גינזבורג ומארק בכתיב מודרני]

– גבאי, וואָס וויל דער רבי?
– אַז די רביצין זאָל געבן!
– וואָס זאָל זי געבן?
– משקה!
– אויף וואָס איז די משקה?
– אַז די קינדערלעך זאָלן לערנען תּורה אָן לאַסקע!
עונג לשבת בים־באַם־באַם,
תּענוג ליום־טובֿ כאַ־כאַ־כאַ!

– גבאי, וואָס וויל דער רבי אאַז"וו.
– לעקעך!
– אויף וואָס איז דער לעקעך?
– די קינדער זאָלן לערנען תּורה אָן מקח!
עונג לשבת בים־באַם־באַם אאַז"וו.

– גבאי, וואָס וויל דער רבי אאַז"וו.
– צימעס!
– אויף וואָס איז דער צימעס?
– די קינדער זאָלן לערנען תּורה בנעימות!
עונג לשבת בים־באַם־באַם אאַז"וו.

– גבאי, וואָס וויל דער רבי אאַז"וו.
– פֿלייש!
– אויף וואָס איז דאָס פֿלייש?
– די קינדער זאָלן לערנען תּורה מיט שווייס!
עונג לשבת בים־באַם־באַם אאַז"וו.

– גבאי, וואָס וויל דער רבי אאַז"וו.
– לאָקשן!
– אויף וואָס איז די לאָקשן?
– די קינדער זאָלן לערנען תּורה, ווי אָקסן!
עונג לשבת בים־באַם־באַם אאַז"וו.

– גבאי, וואָס וויל דער רבי אאַז"וו.
– קאָמפּאָט!
– אויף וואָס איז דער קאָמפּאָט?
די קינדער זאָלן לערנען תּורה אָן קלאָפּאָט!
עונג לשבת בים־באַם־באַם אאַז"וו.