ויצא חוטר ♫

וְיָצָא חֹטֶר מִגֵּזַע יִשָׁי
וְנֵצֶר מִשָּׁרָשָׁיו יִפְרֶה
וַהֲרִיחוֹ בְּיִרְאַת הַשֵּׁם
וְלֹא-לְמַרְאֵה עֵינָיו יִשְׁפּוֹט
וְלֹא-לְמִשְׁמַע אָזְנָיו יוֹכִיחַ

וְהָיָה צֶדֶק אֵזוֹר מָתְנָיו
וְהָאֱמוּנָה אֵזוֹר חֲלָצָיו
וְגָר זְאֵב עִם-כֶּבֶשׂ
וְנָמֵר עִם-גְּדִי יִרְבָּץ
וְעֵגֶל וּכְפִיר וּמְרִיא יַחְדָּו
וְנַעַר קָטֹן נֹהֵג בָּם
וּפָרָה וָדֹב תִּרְעֶינָה
יַחְדָּו יִרְבְּצוּ יַלְדֵיהֶן
וְאַרְיֵה כַּבָּקָר יֹאכַל-תֶּבֶן

וְשִׁעֲשַׁע יוֹנֵק עַל-חֻר פָּתֶן
וְעַל מְאוּרַת צִפְעוֹנִי גָּמוּל יָדוֹ הָדָה
וְהָיָה בַּיּוֹם הַהוּא שֹׁרֶשׁ יִשַׁי
אֲשֶׁר עֹמֵד לְנֵס עַמִּים
אֵלָיו גּוֹיִם יִדְרֹשׁוּ
וְהָיְתָה מְנֻחָתוֹ כָּבוֹד.