עד אנה אדוניי (לחן עמירן) ♫

עַד אָנָה אֲדֹנָי תִּשְׁכָּחֵנִי נֶצַח עַד אָנָה תַּסְתִּיר אֶת פָּנֶיךָ מִמֶּנִּי.
עַד אָנָה אָשִׁית עֵצוֹת בְּנַפְשִׁי יָגוֹן בִּלְבָבִי יוֹמָם עַד אָנָה יָרוּם אֹיְבִי עָלָי
הַבִּיטָה עֲנֵנִי אֲדֹנָי אֱלֹהָי הָאִירָה עֵינַי פֶּן אִישַׁן הַמָּוֶת
פֶּן יֹאמַר אֹיְבִי יְכָלְתִּיו צָרַי יָגִילוּ כִּי אֶמּוֹט
וַאֲנִי בְּחַסְדְּךָ בָטַחְתִּי יָגֵל לִבִּי בִּישׁוּעָתֶךָ אָשִׁירָה לַאדֹנָי כִּי גָמַל עָלָי